محترم حضرت حکیم صاحب السلام علیکم! اللہ کریم آپ کو مزید ترقی‘ عزت‘ برکت اور سکون دے۔ میں ایک عمل ان لوگوں کو دیتی ہوں جو بیرون ملک جاکر پھنس جائیں‘ یا جن لوگوں کو کام نہ مل رہا ہو یا جن لوگوں کی اولاد نہ ہو‘ الحمدللہ! جس کو بتایا اس کا کام ہوا۔ یہ تو سب سے پہلے میرا آزمایا ہواوظیفہ ہے۔ عمل صرف یہ ہے : اول وآخر گیارہ بار درودشریف کے درمیان بارہ ہزار مرتبہ بِسْمِ اللہِ الرَّحْمٰنِ الرَّحِیْمِ پڑھنی ہے۔ ان شاء اللہ بارہ دن کے اندر اندر کام ہوتا ہے۔ میری اولاد نہ تھی ‘ میں نے ابھی چھ دن ہی پڑھا ‘ میری ایک دوست مجھے زبردستی ڈاکٹر کے پاس لے گئی‘ حمل کا خیال تک ذہن میں نہ تھا‘ جب ڈاکٹر نے چیک کیا تو وہ بولی اس کو حمل ٹھہرا ہوا ہے‘ سارے حیران پریشان‘ میرے رب نے اپنے نام کی طاقت برکت سے مجھے بہت پیارا بیٹا دیاہے۔ آج الحمدللہ! میں چار بچوں کی اماں جان ہوں۔ میرے پاس ایک عورت آئی‘ وہ بہت روئی‘ کہنے لگی: میرے بھائی کو سات سال ہوگئے بیرون ملک پھنسا ہوا ہے‘ پیچھے ابو بھی فوت ہوگئے‘ بیوی بھی رو رہی تھی‘ میں نے انہیں یہی وظیفہ بتایا‘ انہوں نے رمضان المبارک میں پڑھا‘ ابھی پڑھتے بارہ دن ہی ہوئے تھے کہ بھائی کہ فون آگیا کہ میرے کاغذات بن گئے ہیں‘ وہ بہت خوش ہوئے‘ ڈھیروں دعائیں دیں۔ (پوشیدہ‘ سیالکوٹ)