اب تک آنے والی میری جتنی بھی تالیفات ہیں ان کے حوالہ جات حقیقت‘ سببِ تالیف یہ سب قارئین تک پہنچانے کی ایک کوشش ہے میں ہر کتاب کا حوالہ دوں گا کہ کتاب کن حوالہ جات سے مل کر ایک کتاب بنی ہے۔اگر میری کسی کتاب میں غلطی ہو‘ اطلاع دیں‘ شکرگزار ہوں گا۔
چونکہ اس سے پہلے مختلف ادارے میری کتب شائع کرتے تھے اب اکثر کتب عبقری ادارہ شائع کررہا‘ مختلف اداروں نے بہت سے حوالے چھوڑ دئیے‘ یاد رکھیں! کتاب اگر حوالہ کے ساتھ ہو تو تحقیق‘ اور تالیف اگر حوالہ کے بغیر ہو تو سرقہ اور چوری شمار ہوتی ہے‘ اس لیے اب پھر سےمیں اپنی کتب کی غلطیاں خود نکال کر شائع کررہا ہوں تاکہ میری اور کتب کی اصلاح ہوتی رہے۔کتاب نمبر52:کشف اور پراسرار روحانی قوتوں کا حصول:میری زندگی کا ایک بڑا حصہ روحانی قوتوں کی طرف سفر کرتے گزرا ہے کچھ قدم قبرستانوں‘ ویرانوں اور جنگلوں کی طرف بھی اٹھے ہیں۔ وہاں کیا دیکھا؟ کیا پایا؟ زندگی اورحالات کی عجیب و غریب کہانیاں پھر حاصل کیا ہوا؟ یہ ایک الگ داستان ہے‘ جو کچھ طویل بھی اور انوکھی بھی ہے بلکہ بعض واقعات ناقابل فراموش اور ناقابل یقین ہیں۔ اس کتاب کی تالیف میں بندہ نے مختلف ماہرین فن کے تجربات بھی یکجا کیے ہیں۔ بس ایک بات پیش نظر رہے کہ اگر کوئی عمل شریعت اور اسلام سے متصادم ہے تووہ میرا نہیں کسی تجربہ کار کا ہوسکتا ہے میری تو اول سے آخر یہی خواہش رہی ہے کہ آپ قرآن و سنت سے رہبری حاصل کریں بس اسی میں نجات کامیابی اور سرخروئی ہے۔ اس کتاب کی تالیف میں جن محترم شخصیات کی تحریروں اور کتب و رسائل سے رہنمائی حاصل کی ان کے نام درج ذیل ہیں:۔ سلطان محمود آشفتہ۔ سید سلیمان شاہ گیلانی۔ حسین ثاقب۔ مسز اشرف۔ سراجی نظامی۔ شمیم اختر۔ صلاح الدین ناسک۔ مسعود فارابی۔ ملک حبیب اللہ۔ رسائل: سیارہ ڈائجسٹ۔ حکایت۔۔نوٹ: اگر کوئی حوالہ غلطی سے رہ جائے تو ضرور اطلاع دیں‘ میں ہر پل اصلاح کا محتاج ہوں۔(ایڈیٹر)