قارئین!عبقری ہر ماہ ایسے طاقتور روحانی اعمال دے رہا جس کی برکت سے آپ سارا سال سورج اور چاند گرہن کے اثرات سے حفاظت میں رہیں گے اور محض اللہ کے نام کی برکت سے‘سارا سال‘وبائیں‘آفات و بلیات ان شاءاللہ آپ کے قریب نہیں آئیں گی۔2024ءکے سورج‘ چاند گرہن کے اثراتِ بد سے محفوظ رہنے‘ اپنی نسلوں کو محفوظ رکھنے‘ گھر کاروبار کو محفوظ رکھنے کیلئے اور نحس لمحات سے حفاظت کے لئے یہ عمل ماہ جون 2024ء کیلئے چنا گیا ہے۔
ماہ جون کے ہرہفتہ والے دن بعد نماز عشاء اپنے مسائل ‘ مشکلات مرادوں ‘جان ‘ مال اور اہل عیال کا سخت تصور کرتے ہوئےاپنے دونوں ہاتھوں کو ملا کر یعنی دعائیہ انداز میں لے کر صرف 33 مرتبہ اول و آخر تین بار درود پاک کے ساتھیَالَطِیْفُ اَلْطُفْنِیْ بِلُطْفِکَ یَا لَطِیْفُ پڑھ کر ہاتھوں پر دم کر لیں‘پھر’’ آمین‘‘ پڑھتے ہوئے ہاتھ اپنے پورے جسم پر پھیر لیں۔
ان شاءاللہ اس عمل کی برکت سے ہر قسم کے نحوست بھرے اثرات سے حفاظت رہے گی اور اس ماہ آفات وبلیات سے بھی یقینی حفاظت اور نجات ملے گی۔یہ روحانی عمل آپ کو اس ماہ کی نحس گھڑیوں سے حفاظت میں رکھے گا جس سے غم اور دکھ درد دور ہوں گے‘ ان شاءاللہ۔
عمل کاہدیہ: اس ماہ حسب توفیق گھر پر حلوہ یا کوئی بھی میٹھی چیز بنا کر لوگوں میں تقسیم کر دیں اور اس تمام عمل کا ثواب حضرت ابو ایوب انصاری رضی اللہ تعالی عنہ اورمسلم بن عقیل سلام اللہ ورضوانہ علیہ کی ارواح مبارکہ کو ہدیہ کردیں۔ نوٹ:یہ عمل ہر حالت میں کر سکتے ہیں۔
اگلا چاند گرہن
2024ء کا اگلاگرہن18 ستمبر2024 کو لگے گا۔گرہن کی جزوی ابتداءپاکستانی وقت کے مطابق صبح تقریباً5بجکر 41 منٹ 7 سیکنڈ سے ہو گی‘باقاعدہ آغاز 7 بجکر 12 منٹ58 سیکنڈ جبکہ انتہائی نقطہ عروج 7بجکر 44منٹ18 سیکنڈ اورخاتمہ گرہن رات9 بجکر 47 منٹ 27 سیکنڈ پر ہوگا۔ گرہن کا کل دورانیہ تقریباً چار گھنٹے چھ منٹ کا ہو گا۔