حضرت ابوہریرہ رضی اللہ تعالیٰ عنہٗ سے روایت ہے کہ رسول اللہ ﷺ نے ارشاد فرمایا: ’’نماز فجر کے بعد جو شخص سو مرتبہ سبحان اللہ کہے اور ایک سو مرتبہ لاالہ الا اللہ کہے تو اس شخص کے گناہ معاف کردئیے جاتے ہیں اگرچہ وہ گناہ سمندر کے جھاگ کے برابر ہی کیوں نہ ہوں۔ (نسائی 1357)
زکوٰۃ ادا کرنے والے کیلئے نبی کریمﷺ کی دعا
حضرت عبداللہ بن ابی اوفیٰ رضی اللہ عنہٗ سے روایت ہے کہ رسول اللہ ﷺ کی خدمت میں جب کوئی قوم زکوٰۃ لیکر حاضر ہوتی تو آپﷺ ارشاد فرماتے: اے اللہ! فلاں شخص پر رحمت نازل فرما اور فلاں کے اہل وعیال میں برکت عطا فرما‘ جب میرے والد زکوٰۃ لے کر حاضر ہوئے تو آپﷺ نے ارشاد فرمایا: اے اللہ! ابن ابی اوفیٰ کے اہل وعیال پر رحمت نازل فرما۔ (نسائی 2463) (ح،لاہور)