محترم حضرت حکیم صاحب السلام علیکم! طویل غیر حاضری کے بعد آج قلم اٹھا رہا ہوں اور عبقری میں آزمودہ اور مجرب نسخہ جات لکھ کر ارسال کررہا ہوں اور میرے مطب پر بڑی کامیابی کے رزلٹ شدہ ہیں۔ صرف خدمت خلق کے جذبہ کے تحت ارسال ہیں۔ اللہ میری اس کاوش کو اور عبقری کی پوری ٹیم کو اجر عظیم عطا فرمائے۔ (آمین)
ایک کیپسول اور شوگر کنٹرول! خودبنائیے
سورنجان تلخ، اَندر جو (کڑوے جو) ہموزن لیکر سفوف بنالیں اور بڑے کیپسول بھر لیں‘ صبح نہار منہ ایک کیپسول سادہ پانی ایک گلاس سے کھالیں ایک کیپسول شام خالی پیٹ کھالیں ان شاء اللہ شفاء ہوگی۔ (صبح شام ایک ایک کیپسول روزانہ کھائیں)
حکماء کے نزدیک لاعلاج مرض اٹھرا کا آزمودہ علاج!
یہ مرض بہت صبر آزما ہے اور اس کا طویل علاج ہے بلکہ بعض مریضوں اور حکماء حضرات کے نزدیک لاعلاج مرض سمجھا جاتا ہے جبکہ ایسا نہیں ہے الحمد للہ! اللہ پاک نے ہر مرض کا علاج پیدا کیا ہےمایوسی گناہ ہے۔ عبقری سے وابستہ رہیں اور ناممکن کو ممکن بنائیں۔ھوالشافی: مرچ سیاہ موٹی، رسونت انڈیا، جوہڑیر، جَل نیم تمام اجزاء ہم وزن لیکر سفوف بنالیں اور کالی مرچ کے برابر سائز میں گولی بنالیں‘ ہلکا سا پانی ملاکر سایہ میں گولی خشک کرلیں۔ روزانہ صبح شام ایک ایک گولی بلاناغہ بعداز غذا سادہ پانی سے کھالیں ان شاء اللہ اس موذی مرض سے نجات مل جائے گی بعداز شفاء رب کریم کا شکریہ ادا کریں دوا ایک ماہ باقاعدگی سے کھانی ہے حمل کے بعد۔
لنگڑی کا درد، شاٹیکا، کمردرد، جوڑوں کا درد
آک کے پتے ایک کلو، پھول آک ایک کلو، نیم کے پتے ایک کلو، پانی دس کلو، سوجی ½کلو تمام اجزاء کو سوجی کے علاوہ پانی میں ڈال کر پائیں جب ½ کلو پانی رہ جائے چھان کر محفوظ کرلیں۔ سوجی ملاکر کالے چنے برابر گولی بناکر سایہ میں خشک کریں فی مریض 20 گولی کافی ہیں صبح شام ایک ایک گولی ہمراہ دودھ نیم گرم سے دیں بعداز غذا روزانہ۔
پتھری نکالنے کا کامیاب نسخہ
قلمی شورہ250 گرام، ریٹھا ½ کلو، چٹکی چٹکی مار کر خشک کرلیں۔ سفوف بناکر صبح و شام پانچ دن لیموں کی سکنجبین یا کچی لسی کیساتھ استعمال کریں۔
ازدواجی تعلقات کی بہاریں دیکھیے!
نسخہ نمبر ایک:شنگرف پانچ تولہ، سم الفار ایک تولہ، سبز پتے آک ½کلو، درمیان رکھ کر دو کلواوپلوں کی آگ دیں۔دو مرتبہ عمل کریں پھر سفوف بنالیں۔24 عدد دیسی انڈے کی زردی ملاکر کالی مرچ برابر گولی بنالیں( دس گولی صرف دیں ½ کلو میں)(پیر حکیم ایم اے قریشی، ملتان)