خوش اخلاق گھرانہ:برطانیہ میں کی گئی ایک تحقیق میں دس ہزار سے زیادہ افراد جن کی عمر پچاس سال سے زیادہ تھی اور اس کا دورانیہ دس سال سے زیادہ تھا یہ معلوم ہوا کہ جن کے گھر والے، رشتے دار، دوست کا ان سے اچھا رویہ نہ تھا‘ ان کے یادداشت کی کمی کے مرض میں مبتلا ہونے کے 31%زیادہ امکانات تھے۔ سائنس دانوں کو یہ برسوں سے معلوم ہے کہ جو شادی شدہ ہیں ان کے بچے ہیں وہ زیادہ تر اس موذی مرض سے محفوظ رہتے ہیں ان رشتوں کی طاقت اور کوالٹی دماغی تحفظ فراہم کرتی ہے۔سوزش:جسم میں سوزش کئی بیماریوں کو جنم دیتی ہے۔ پالک، پائن ایپل، ادرک، سبزچائے وغیرہ سوزش کو کم کرکے کئی بیماریوں سے نجات دلاتے ہیں۔
پیٹ کا کینسر! سب سے بڑی وجہ!
171500 آدمیوں پر کی گئی ایک تحقیق کے مطابق جن کو مسوڑوں کی بیماری ہے ان کو پیٹ کے کینسر ہونے کے امکانات ہیں۔ مسوڑھوں کے بیکٹیریا کی وجہ سے جسم میں سوزش ہوتی ہے اس کی وجہ سے پیٹ کے اچھے بیکٹیریا کم ہو جاتے ہیں جس کی وجہ سے کینسر کا خطرہ بڑھ جاتا ہے اس کے لیے دانتوں کی بیماری جیسے پاپوریا وغیرہ کا علاج جلد از جلد ہونا چاہیے۔
مائوتھ واش:گھر میں مائوتھ واش بنانے کے لیے امردو کے پتے لیں انہیں دس منٹ تک گرم پانی میں ابالیں پھر اسے ٹھنڈا کریں۔ پانی کو نتھار لیں بہترین مائوتھ واش تیار ہے۔
ڈیپریشن کا مریض:ماہرین کہتے ہیں باغ میں سیر کرنے سے ڈپریشن کے مریضوں کی بیماری میں کمی آتی ہے یہی بات ہمارے حکماء سینکڑوں سالوں سے کہہ رہے ہیں۔ حالیہ تحقیق سے یہ بھی پتہ چلا ہے کہ جن ہسپتالوں میں درخت لگے ہوتے ہیں اور ہریالی ہوتی ہے وہاں مریض جلد صحت یاب ہوتے ہیں۔
بادام کے فوائد:بادام سے ذیابیطس قسم دوم اور دل کے مرض کا خطرہ کم ہوجاتا ہے۔
پسینے کی بو ختم کرنے والے سپرے جلد کے لیے نقصان کا باعث:ماہرین نے انکشاف کیا ہے کہ پسینے کی بو ختم کرنے والے سپرے جلد کے لیے خطرناک ثابت ہوتے ہیں یہ جلد کے مفید بیکٹیریا کو بھی ہلاک کر دیتے ہیں جس سے جلد کے زیرین حصے میں انفیکشن ہونے کا امکان رہتا ہے۔(لندن نیوز)
ہفتے میں45 گھنٹے سے زائد کام کرنیوالے مختلف امراض کا شکار ہوسکتے ہیں:ایک تحقیق کے مطابق ہفتے میں 45 گھنٹے سے زائد کام کرنے کی مسلسل عادت ذہنی و جسمانی دبائو، پریشانی اور مکر کو جنم دے کر کئی امراض کی وجہ بنتی ہے۔ جس میں ٹاپ ٹو ذیابیطس سرفہرست ہے۔ وقفے وقفے سے ہلکی چہل قدمی کرنا نہایت ضروری ہے۔(ٹورنٹو،نیٹ نیوز)
سٹیرائیڈز انجکشن:ٹفٹس میڈیکل سنٹر امریکہ کی تحقیق کے مطابق سٹیرائیڈز کے انجکشن جوڑوں کے درد کے لیے شاید سومند نا ہوں ایسے 140 مریضوں میں سے کسی کو یہ انجکشن لگائے اور کسی کو بجائے اس دوا کے بغیر ضرر والے نمکین انجکشن ہر تین مہینے کے بعد لگائے دو سال کے بعد ان دونوں فریقین کے گھٹنے کے درد میں کوئی فرق نہیں تھا بلکہ سٹیرائیڈز کا انجکشن لگانے والے لوگوں کے گھٹنے کی حالت زیادہ خراب پائی گئی۔