میرے والد کو کسی نے ہاتھی دانت کا بنا ہوا تاج محل دیا تھا۔ وہ بڑا خوبصورت ہے مگر اس کا رنگ پیلا پڑگیا ہے۔ اس کا حسن پہلے والا نہیں رہا۔ کیا ہمارے تاج محل کی خوبصورتی واپس آسکتی ہے؟ (ح، کراچی)
مشورہ:ہاتھی دانت کی بنی ہوئی اشیا قیمتی ہوتی ہیں۔ ان کا رنگ ماند پڑجائے تو بڑا دکھ ہوتا ہے۔ آپ شیشے کا بنا کھلے منہ کا ایسا مرتبان لیں جس میں تاج محل سما جائے۔ اب اسے روزانہ صبح ایسی جگہ رکھیے جہاں سورج کی کرنیں مرتبان پر پڑیں۔ کچھ دن رکھ کر دیکھئے، دھوپ سے پیلا ہاتھی دانت سفید ہوتا ہے یا نہیں۔ایک پیالی نیم گرم پانی میں چند قطرے ایمونیا کے ڈال کر اس میں کپڑا بھگوئیے۔ ہاتھی دانت کی بنی اشیا اس محلول سے صاف کرنے پر چمک جاتی ہیں۔