محترم حکیم صاحب السلام علیکم! عبقری رسالہ سے میرا تعارف میری ایک دوست نے کروایا اورمیں عبقری رسالہ 2009ء سے پڑھ رہی ہوں۔رسالہ سے آپ کی ویب سائٹ کا اڈریس دیکھاتوآ پ کا درس پہلے نیٹ پر کبھی کبھی سن لیا کرتی تھی لیکن پچھلے رمضان المبارک سے اب تک باقاعدگی سے سن رہی ہوں‘ بہت فائدہ ہورہا ہے۔ بہت کچھ سیکھا ہے‘ آپ کے بتائے ہوئے اعمال اور آپ کے درس سے بہت کچھ ملا ہے۔ زندگی کا مقصد مل گیا ہے۔ بہت سکون ملتا ہے۔ جیسے آپ دعا مانگتے ہیں میں نے آپ سے دعا مانگنی سیکھ لی ہے۔ مجھے آپ کا دعا مانگنے کا طریقہ بہت پسند ہے۔ دل کرتا ہے سنتے رہو‘ دعاؤں میں رونا آگیا ہے۔ خدا سے مانگنا سیکھ رہی ہوں۔نماز پڑھنے میں مزہ آتا ہے‘ یہ سب میرے والدین کی دعائیں اور آپ کی وجہ سے خدا کا مجھ پر فضل ہے۔(م۔ل۔رحیم یارخان)۔