اس ماہ کی روحانی محفل12 جولائی بروز جمعہ صبح10 بجے سے 11بجکر 23 منٹ تک،21 جولائی بروز اتوارسہ پہر3 بج کر 7 منٹ سے4 بجکر31 منٹ تک۔30 جولائی بروز منگل دوپہر11 بجکر 30 منٹ سے12بجکر40 منٹ تک یَاوَاسِعَ الْفَضْلِ اِغْفِرْ پڑھیں۔ یہ ذکر، بھکا ری بن کر ، خلوص دل ، درددل ، توجہ اور اس یقین کیساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کیساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام اور غیرمسلموں کے ایمان کیلئے پوری دنیا میں امن کی دعا‘ اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاء اللہ آپکی تمام جائز مرادیں ضرور پوری ہونگی۔
ہر محفل کے بعد 11روپے صدقہ ضرور کریں
( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔
( ایڈیٹر : ۔حکیم محمد طارق محمود عفااللہ عنہ)
محترم حکیم صاحب السلام علیکم!میری شادی کو عرصہ 6 سال ہوگئے تھے لیکن میرے ہاں اولاد نہ تھی‘ ہر طرح کے علاج کروائے لیکن کہیں سے بھی کوئی امید بر نہ آتی تھی۔ پچھلے رمضان کا عبقری ملا‘ پڑھا اوراس میں روحانی محفل کا کالم پڑھا‘ کالم میں موجود تاریخ کے حساب سے میں نے روحانی محفل کی اورروحانی محفل کے بعد رو رو کے اللہ سے دعا کی اور اپنےسابقہ گناہوں کی معافی مانگی‘پورے رمضان میں نے یقین اور توجہ سے روحانی محفل کی تو شوال کے مہینے میں اللہ نے کرم کردیا‘ اب الحمدللہ میں ایک خوبصورت سی بیٹی کی ماں ہوں۔(ش، پشاور)