محترم حضرت حکیم صاحب السلام علیکم! میں روزگار کے سلسلے میں سعودی عرب میں رہتا ہوں۔ہم سعودیہ میں رسالہ عبقری انتہائی شوق سے پڑھتے ہیں۔ ہمارے ساتھ ایک بزرگ بھائی اشتیاق رہتے ہیں جن کا تعلق انڈیا سے ہے‘ حکمت سے انہیں بہت لگاؤ ہے۔ انہوں نے ایک آزمودہ نسخہ کھانسی‘ گلے کے امراض اور الرجی کیلئے بتایا۔ ھوالشافی: کلونجی‘ سونٹھ دونوں چائے والا چوتھائی چمچ لے کر ایک کپ پانی میں ابال لیں او رپی لیں۔ دن میں دوسے تین مرتبہ ایسا کرنے سے انشاء اللہ آرام آجائے گا۔ گلے کیلئے ایک اور نسخہ:کاکڑسنگی جڑی بوٹی لیکر پیس کر آدھا چمچ ایک کپ پانی میں ابال لیں ‘ گلے کے امراض‘ نزلہ زکام کا فوری حل ہے۔
منہ کی بدبو سے نجات: کلونجی کے دانے چند عدد منہ میں رکھنے سے منہ کی بدبو غائب ہوجاتی ہے۔ (ش،ج)