ماہنامہ عبقری - اکتوبر 2010ء

اس ماہ کی روحانی محفل9 اکتوبر بروزہفتہ صبح 7 تا8 بجکر10 منٹ‘ 20 اکتوبر بروزبدھ شام5 سے6 بجکر12 منٹ تک، 29اکتوبر بروزاتواردوپہر2 بجکر15 منٹ سے3 بجکر 27 منٹ تک سَلَام قَولاً مِّن رَّبٍّ رَّحِیمٍoپڑھیں۔ یہ ذکر ، بھکا ری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کےساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام، اپنے لیے اور اپنے عزیز و اقارب کےلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاءاللہ آپکی تمام جائز مرادیں ضرور پوری ہونگی۔ ہر محفل کے بعد 11روپے صدقہ ضرور کریں ( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔ 2-خواتین ناپاکی کے ایا م میں بغیر مصلےٰ کے بھی باوضو ہو کر روحانی محفل میں شرکت کرسکتی ہیں۔ اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔ روحانی محفل مرکز روحانیت وامن میں اجتماعی نہیں ہوتی۔ ( ایڈیٹر :۔حکیم محمد طارق محمود عفی عنہ) روحانی محفل سے فیض پانی والے محترم حکیم صاحب السلام علیکم! میں روحانی محفل میں بڑے اہتمام اور ذوق شوق سے شرکت کرتی ہوں۔ اس سے میری بہت سی مشکلات حل ہوگئی ہیں۔ فوائد :روحانی محفل کی برکت سے ہمارے گھر میں پرسکون ماحول ہوگیا ہے‘ پہلے ہمارے رشتے دار ہمیں تنگ کرتے رہتے تھے‘گھر کے روز روز کے جھگڑے ختم ہو گئے ہیں‘بچے پڑھائی میں دل لگاتے ہیں‘ جس دن سے روحانی محفل میں شرکت کی ہے اسی دن سے ان کا سلوک بہت ہی بدل گیا ہے اب وہ اپنے کئے پر شرمندہ ہیں اس کی برکت سے یہ سب کچھ ہورہا ہے اللہ تعالیٰ آپ کی عمردراز فرمائے اور آپ سے یہ دینی کام لینے میں اس سے زیادہ صلاحیت نصیب فرمائے۔ اللہ تعالیٰ آپ کو قیامت کے دن حضرت محمد صلی اللہ علیہ وسلم کی شفاعت نصیب فرمائیں۔ (آمین) پچھلا صفحہ