ماہنامہ عبقری - اپریل 2010ء

Meditation یعنی مراقبہ جہاں ازل سے روحانیت کی ترقی اور مشکلات کے حل کا علاج رہا ہے وہاں جدید سائنس نے اسے امراض کا یقینی علاج بھی قرار دیا ہے۔ ہزاروں تجربات کے بعد عبقری کے قارئین کےلئے مراقبے سے علاج پیش خدمت ہے۔ سوتے وقت اگر با وضو اور پاک سوئیں تو سب سے بہتر ورنہ کسی بھی حالت میں صرف 10 منٹ بستر پر بیٹھ کر بلاتعداد یَالَطِیفُ یَاعَلِیمُ یَاخَبِیرُکا ورد اول و آخر 3 بار درود شریف پڑھیں پھر لیٹ جائیں۔ جس مرض کا خاتمہ یا الجھن کا حل چاہتے ہوں اس کو ذہن میں رکھ کر یہ تصور کریں کہ ” آسمان سے سنہرے رنگ کی روشنی میرے سر سے سارے جسم میں داخل ہو کر اس مرض کو ختم یا الجھن کو حل کر رہی ہے اور اس وظیفے کی برکت سے میں سو فیصداس پریشانی سے نکل گیا/گئی ہوں“ یہاں تک کہ اس تصور کو دہراتے دہراتے نیند آ جائے۔ شروع میں تصور بناتے ہوئے آپ کو مشکل ہو گی لیکن بعد میں آپ پر جب اس کے کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ مراقبے کے بعد اپنی کیفیات فوائد اور انوکھے تجربات ہمیں لکھنا نہ بھولیں۔ مراقبے سے فیض پانے والے السلام علیکم ایڈیٹر صاحب: آپ کا رسالہ عبقری مجھے اپنی ایک ملنے والی عزیزہ کے پاس سے ملا‘ یہ رسالہ بہت بہترین جسمانی اور روحانی معالج ہے۔ اس میں ‘ میں نے نورانی مراقبہ کے عمل کو پڑھا‘ زندگی بہت بے کیف سی تھی۔ گھریلو الجھنوں میں گھری ہوئی تھی۔ پڑھائی سے دل دور بھاگتا تھا۔ اپنے آپ سے بھی کترانے لگی تھی۔ نورانی مراقبے کے عمل اور افادیت کے بارے میں پڑھا۔ اندر سے آواز آئی ہمارے مسائل حل ہو جائیں گے میں نے اس نورانی عمل کو نہایت توجہ اور گریہ زاری سے کیا۔ الحمد للہ اتنے مسائل حل ہوئے کہ ان کی تفصیل لکھنا مشکل ہے۔ میری زندگی بے کیفی سے راحت میں بدل گئی ہے اور گھر میں امن و سکون کی فضا قائم ہونے لگی ہے۔ اب کتابوں سے دل ہٹتا ہی نہیں۔اللہ سے تعلق نصیب ہو گیا ہے۔ قارئین عبقری سے التماس ہے کہ نورانی مراقبے کے اس روحانی عمل کو اپنی زندگی کا معمول بنائیں۔ اس کے اتنے فوائد اور کمالات ہیں جو احاطہ تحریر میں نہیں۔ اللہ کے حضور دعا ہے کہ اللہ ماہنامہ عبقری کو تاقیامت جاری رکھے۔(فقط والسلام نورین فاطمہ) پچھلا صفحہ