(بشیر احمد ناز، دریا خان)

محترم حضرت حکیم صاحب السلام علیکم!عبقری کے مخلصین عبقری کے چاہنے والے ضرور آزمائیں!2001ء میں ایک نوجوان اعلیٰ تعلیم یافتہ بچی جس کے والد محکمہ تعلیم میں ملازم تھے اور ریٹائرمنٹ کے بعد فوت ہوگئے تھے اور والدہ کی واحد اولاد تھیں اور والدہ بستر علالت پر تھی اور انہیں کینسر کا مرض تشخیص ہوا تھا اور علاج کے اخراجات برداشت نہیں کرسکتی تھیں تو اس نے اپنی ایک سہیلی کے ذریعہ مقامی سرکاری ہسپتال کے ماہر امراض کینسر کے سپیشلسٹ سے رابطہ کیا اور انہوں نے ان کا علاج شروع کیا لیکن اس بدبخت انسان نے اس لڑکی پر بُری نظر رکھ لی اور برائی کے راستے پر لگانے کی کوشش کی‘ لڑکی انتہائی خوددار اور غیرت مند تھی‘ اس شخص کے منہ پر تھپڑ مار کر گھر آگئی‘ گھر آکر والدہ کی وجہ سےزیادہ پریشان ہوگئی اور روتی رہی‘ بندہ ناچیز کو معلوم ہوا تو میں نے انہیں وظیفہ بتایا کہ گھر کے ایک یا زیادہ افراد مل کر اوّل و آخر گیارہ مرتبہ درود ابراہیمی پڑھنے کے بعد ایک چھوٹی سی بالٹی میں پانی بھر کر رکھیں اور سب نے سوا لاکھ یعنی ایک لاکھ پچیس ہزار مرتبہ یَااَللہُ، یَا سَلَامُ کا ورد کریں اور اس کام میں پانچ خواتین نے تقریباً تین گھنٹے لگائے اور جب یہی دم شدہ پانی مریضہ کو پلایا گیا تو اس کی حالت سنبھلنے لگی ‘ صرف دو دن بعد جب چیک اپ کروایا تو ڈاکٹرز حیران تھے کہ اتنی جلد یہ مریضہ کیسے ریکور ہورہی ہے‘ صرف چند بار یہ عمل کیا اور مریضہ تندرست ہوگئی۔