اب تک آنے والی میری جتنی بھی تالیفات ہیں ان کے حوالہ جات حقیقت‘ سببِ تالیف یہ سب قارئین تک پہنچانے کی ایک کوشش ہے میں ہر کتاب کا حوالہ دوں گا کہ کتاب کن حوالہ جات سے مل کر ایک کتاب بنی ہے۔اگر میری کسی کتاب میں غلطی ہو‘ اطلاع دیں‘ شکرگزار ہوں گا۔چونکہ اس سے پہلے مختلف ادارے میری کتب شائع کرتے تھے اب اکثر کتب عبقری ادارہ شائع کررہا‘ مختلف اداروں نے بہت سے حوالے چھوڑ دئیے‘ یاد رکھیں! کتاب اگر حوالہ کے ساتھ ہو تو تحقیق‘ اور تالیف اگر حوالہ کے بغیر ہو تو سرقہ اور چوری شمار ہوتی ہے‘ اس لیے اب پھر سےمیں اپنی کتب کی غلطیاں خود نکال کر شائع کررہا ہوں تاکہ میری اور کتب کی اصلاح ہوتی رہے۔کتاب نمبر69:شاندار زندگی گزارنے کے جاندار اصول:قارئین کون نہیں چاہتا ہے کہ اس کی زندگی شاندار ہو اور اس کی زندگی میں خیر و ہو‘ شر نہ ہو اس زندگی میں راحت ہو‘ مشکل نہ ہو‘ اس زندگی میں عافیت ہو‘ مصیبت نہ ہو تو پھر ایسے حالات میں۔ جاندار اصولوں کی طرف توجہ کیے بغیر راحت نہیں مل سکتی پھر جب بھی جاندار اصولوں کی طرف توجہ دی جائے گی اور ان کو مشعل راہ بنایا جائے گا زندگی پرسکون پرعافیت اور راحت سے مزین ہوگی۔ اس کتاب کی تالیف صرف اسی لیے کی گئی کہ زندگی پرسکون پرعافیت اورراحت سے مزین ہو‘یہ تمام اصول اس کتاب میں آپ کو ملیں گے۔ ہاں ایک چیز لازم ہے غیرشرعی عمل میں راحت ہرگز نہیں‘ برکت ہرگز نہیں۔ اس کتاب کی تالیف میں جن معزز شخصیات کی تحریروں اور رسالہ جات سے استفادہ حاصل کیا گیا ان کے نام درج ہیں:۔ میم الف۔مرحوم شیر محمد اختر۔ مسعود احمد برکاتی۔ رضوان اکبر۔ سرفریڈرک ٹریویز۔ محمد بشیر جمعہ۔زاہد علی۔محمد شریف کیانی۔ قذیٰ عسکری۔ ممتاز احمد خان۔ مسعود فارابی۔ ڈاکٹر ایم اے فاروقی۔ پروفیسر بدراسماعیل۔ زبیر حسین۔ عرفان محمود۔ شاہد عمر۔ حکیم فیروزالدین اجملی۔رسالہ جات: حکایت۔ سیارہ ڈائجسٹ۔ اردو ڈائجسٹ۔ ہمدرد صحت۔ قومی ڈائجسٹ۔ضیاء الحکمت۔۔ نوٹ: اگر کوئی حوالہ غلطی سے رہ جائے تو ضرور اطلاع دیں‘ میں ہر پل اصلاح کا محتاج ہوں۔ (ایڈیٹر)