محترم حضرت حکیم صاحب السلام علیکم! اللہ پاک آپ کی نسلوں اور آپ کو خوش و خرم رکھے کیونکہ آپ کی محنت سے لوگوں کو خوشحالی اور سکون میسر ہے آپ کا میگزین ہم گزشتہ چھ ماہ سے پڑھ رہے ہیں آپ کے اس عبقری کی برکت سے میں‘ والد صاحب ‘ میری بہن عبقری میں آنے والی تسبیحات کی طرف مائل ہوئے ہیں۔ ان وظائف سے ہمیں بہت سکون ملا ہے۔ اب میں ذرا اپنے حالات کا پس منظر آپ کو بتادوں۔ میرا تعلق ضلع ملتان ہے‘ گاؤں کا رہائشی ہوں‘ کاشتکاری اور ملازمت سے ذرائع آمدن ہوتی ہے۔میرے والد محترم دو محکموں سے ریٹائرڈ ہیں‘ انتہائی باخبر‘ خوش اخلاق ہیں‘ صبر ان کے اندر کوٹ کوٹ کر بھرا ہوا ہے‘ میرے والد پر ایک بیماری نے حملہ کیا‘ وہ دن بہت دردناک تھے‘ دراصل کالے علم کا اثر تھا جو کہ عامل حضرات نے ہمیں بتایا تھا‘ اسی بیماری میں ہم نے کم و بیش آٹھ لاکھ روپے خرچ کیے اب الحمدللہ عبقری کی وجہ سے بہت سکون ہوا ہے۔الحمدللہ وظائف جاری ہیں ۔ (عامر حیات میو‘ ملتان)۔نمایاں تبدیلی:محترم حضرت حکیم صاحب السلام علیکم! آپ کی خیریت اللہ تعالیٰ سے نیک مطلوب چاہتی ہوں‘ حکیم صاحب اللہ تعالیٰ آپ کی عمر میں خیرو برکت دے اورآپ کے عبقری رسالے کے ذریعے اصلاحی کام کو قبول فرمائے۔ آمین ثم آمین۔مجھے عبقری پڑھتے ہوئے ابھی صرف تین ماہ ہوئے ہیں۔ میرے شوہر لکڑی کا کام کرتے ہیں‘ پہلی بات تو کام ملتا ہی نہیں ہے اگر ملتا ہے تو نقصان ہوتا ہے جب سے عبقری پڑھنے لگے ہیں‘ نماز پابندی سے پڑھنا شروع کردی ہے۔ان میں بہت زیادہ تبدیلی آگئی ہے۔ اللہ رب العزت آپ کو صحت و تندرستی دے۔ (ر۔ب‘ خانیوال)۔بے پناہ مسائل حل ہوئے:امید ہے خیریت سے ہوں گے‘ ایک سال سے زیادہ عرصہ ہوا عبقری سے تعلق جڑا ہے‘ بے شمار مسائل حل ہوئے۔ ورنہ پہلے تو مسائل کی گھری ہوئی تھی مگر جب سے عبقری ملا سکون مل گیا ہے۔ اس میں موجود وظائف اور نسخہ جات زندگی آسان بنا دیتے ہیں۔ نماز اور قرآن میں پہلے بھی پڑھتی تھی مگر عبقری کے ساتھ تعلق جڑنے کے بعد تڑپ سے پڑھتی ہوں۔ (ج، لاہور)