محترم حضرت حکیم صاحب السلام علیکم! میں بے شمار مشکلات میں مبتلا تھی‘ پھر مجھے کسی نےعبقری دیا‘ میں نے پڑھا تو بہت اچھا لگا‘ میں عبقری رسالہ موجود علامہ لاہوتی پراسراری کا مضمون جنات کا پیدائشی دوست بہت شوق سے پڑھتی ہوں‘ اس میں موجود ایک وظیفہ جو کہ سورۂ والضحیٰ کی ایک آیت ہے۔ وَلَسَوْفَ یُعْطِیْکَ رَبُّکَ فَتَرْضٰی ﴿والضحیٰ۵﴾سارا دن باوضو کھلا پڑھا‘ میں حیران رہ گئی جس طرح علامہ صاحب نے اس کے فوائد ایک ایک کرکے بیان کیے‘ سوفیصد سچ لکھا‘ میں تو آزماچکی ہوں۔ میں نے یہ وظیفہ جب بھی پڑھا اللہ تعالیٰ نے مجھ پر کرم کیا۔ واقعی اس چھوٹے سے وظیفے سے میری بڑی بڑی مشکلات ایسے حل ہوئیں کہ میں آج بھی حیران ہوں۔ اللہ تعالیٰ آپ کو دنیا وآخرت کی جزائے خیر دے۔ میں عبقری تین سال سے پڑھ رہی ہوں اس میں موجود قارئین کے آزمودہ ٹوٹکے اور وظائف بہت کمال کے ہوتے ہیں۔

نگہت پروین‘ گجرات