ماہنامہ عبقری - فروری 2011ء

محترم حکیم صاحب السلام علیکم! میں عرصہ دو سال سے جمعرات کے درس میں شرکت کررہا ہوں۔ الحمدللہ اس درس کی برکت سے میرے دن رات بدل گئے ہیں۔ پہلے ہروقت دنیا کی فکر رہتی تھی لیکن اب ہر پل آخرت بنانے کی فکر سوار رہتی ہے۔ جب دنیا کا غم ہوتا تھا تو ہر وقت پریشانی اور کڑھن رہتی تھی اور ہروقت پیسہ کمانے میں سرگرداں رہتا تھا۔ ایک بار درس میں آپ نے بتایا کہ اپنی مہینے کی تنخواہ میں سے اڑھائی فیصد صدقہ نکالنے سے غیب کے خزانوں سے برکت ملتی ہے۔ اس دن سے میں نے اڑھائی فیصد صدقہ نکالا شروع کیا آپ یقین جانیے کچھ عرصے بعد ہی میرے رزق میں ایسی برکت ہونے لگی کہ میں خود حیران ہوگیا اور میرا یقین اور مضبوط ہوگیا۔ گزشتہ کئی ماہ سے میں یہ عمل کررہا ہوںاور الحمدللہ مہینہ ختم ہونے کے بعد بھی میری تنخواہ بچ جاتی ہے۔ حالانکہ سب ضروریات بھی وہی ہیں میں اللہ کے بعد آپ کا شکرگزار ہوں کہ آپ کی وجہ سے مجھے اتنا قیمتی عمل ملا اور جس نے میری ساری مالی پریشانیاں دور کردیں۔(محمدعلی‘لاہور) پچھلا صفحہ