موٹاپا کوئی بیماری نہیں ہے یہ وراثتی یا نظام ہضم کی پیچیدگیوں کے باعث جسم کے ڈیل ڈول کو بدلتا ہے۔ ایک سچائی تو یہ بھی ہے کہ بیماری نہ ہونے کے باوجود دنیا میں بننے اور فروخت ہونے والی تیس فیصد سے زائد ادویات صرف اور صرف موٹاپے کے نام پر بیچی اور خریدی کی جارہی ہیں۔ جدید تکنیکی سہولتوں سے آراستہ موجودہ دور میں نہ صرف ادویات بلکہ ورزش کروانے والے منظم اداروں اور سلمنگ سینٹروں کا کاروبار چمک اُٹھا ہے۔ اب ہم وزن بڑھنے کے خوف سے ایسے اداروں سے رجوع کرتے ہیں جو نباتاتی طریقوں سے بھوک کی خواہش مٹانے اور اہم غذائی اجزاء پر مشتمل خوراک مہیا کرتے ہیں او ر ہم یہ فضول خرچی ضرورت سمجھ کر کرتے ہیں۔ دنیا بھر کے ڈاکٹر جسمانی بیماریوں کو موٹاپے سے کیوں جوڑتےہیںیعنی بدن کے بھاری ہوتے ہی گھٹنوں اور ٹانگوں کا درد شروع ہو جاتاہے آرتھو پیڈک سرجن کے پاس جائیں تو وہ کہتے ہیں ’’اپنا وزن کم کیجئے آپ کے گھٹنے اتنا وزن نہیں سہار سکتے‘‘۔
گائے کے پائے تو لذیذ ہیں مگر
طبی تحقیق کہتی ہے کہ سرخ گوشت کا استعمال نہ کیا جائے یا کم کیا جائے مگر ہمیں تو گائے کے پائے لذیذ لگتے ہیں۔ گائے کے گوشت کے شامی کباب اور بہاری یا چپلی کبابوں میں لطف آتا ہے ایسی صورت میں اگرجسم میں یورک ایسڈ اور کولیسٹرول زیادہ بڑھ جائے تو کیلشیم کی کمی اور ہڈیوں کی کمزوری جیسی علامات ظاہر ہونا شروع ہو جاتی ہیں۔
اب ایک نئی تحقیق سامنے آئی ے جس کے مطابق دبلے پتلے لوگ بھی گھٹنوں کے درد میں مبتلا ہوتے ہیں اس کے معنی یہ نکلے کہ موٹاپے اس درد کا ہرگز سبب نہیں ہے۔ ہمارے جسم کی پہلی ضرورت جسے ہم نظر انداز کرتے ہیں وہ متوازن خوراک کا استعمال ہے۔ اب آپ لاکھ غیر ملکی صحت و تندرستی اور سنگھار کے جریدوں میں شائع ہونے والے مضامین اور غذائی چارٹوں کو کھانے کی میز کے اطراف یا باورچی خانے کی دیواروں پر چسپاں کردیں اور انہی میں درج ہدایتوں کے مطابق اپنا مینیو تیار کرلیں۔ زیادہ خوش نہ ہوں یہ مضامین مقامی قارئین کی ضرورتوں کے مطابق شائع کئے جاتے ہیں اور ضروری نہیں کہ اس مینیو کا تعلق آپ کی موجودہ غذائی ضروریات سے بھی ہو۔ آپ کا جسم، کمزوریاں یا توانائی، ثقافت، موسم اورغذا کی دستیابی ہر چیز مغربی ماحول سے جدا ہے۔ آپ کا طرز زندگی بھی مختلف ہوسکتا ہے۔ آپ ذہانت کامظاہرہ کریں اورمقامی ماہرین غذائیت سے اپنے مختلف ٹیسٹ کروا کے ایسا غذائی پلان تیار کروائیں جوآپ کے لیے کارآمد ہو۔ متوازن خوراک کا مطلب ہے کہ جو غذا ہم اپنے ماحول، ضرورت اور پابندی کے ساتھ سہولت سے استعمال کریں۔