محترم حضرت حکیم صاحب السلام علیکم! میری خوش قسمتی تھی کہ میری آپ تک رسائی ہوئی۔ میں مالک کا جتنا شکر ادا کروں کم ہے کیونکہ میں خود محسوس کرتا ہوں کہ میرے اندر تبدیلی واقع ہورہی ہے۔ میں درس میں آتا ہوں تو بہت پریشان ہوتا ہوں لیکن درس سنتے ہوئے میری پریشانیاں راحت میں تبدیل ہوجاتی ہیں میں اس نتیجہ پر پہنچا ہوں کہ تسبیح خانے پر اللہ تعالیٰ کی ہر وقت رحمتیں برستی رہتی ہیں ‘ اُس کا یہاں خاص دھیان ہے کہ دکھی لوگ آتے ہیں اور سکھی ہوکر جاتے ہیں۔میری بیوی پر سخت کالا جادو تھا‘ تسبیح خانہ میں سورۂ اخلاص والا عمل شروع ہوا‘ میں نے 21 درس میں شرکت کی اور سورۂ اخلاص کا عمل مکمل کیا۔ میں حیران رہ گیا ابھی عمل مکمل بھی نہ ہوا تھا کہ میری بیوی تندرست ہونا شروع ہوگئی اور آج میری بیوی مکمل صحت یاب ہے۔ (کاشف سہیل‘ لاہور)