جمعرات کے درس کے بعد ہونیوالی مجالس مجذوبی کی محفل میں عوام کے بنائے گئے اعمال کے حیرت انگیز مشاہدات

حضر ت والا کا ذاتی مشاہدہ:حضرت جی حکیم صاحب فرمانے لگے کہ ایک نیا مشاہدہ آیا ہے ۔میرا سات سال کا بیٹا جس کا نام محمد صہیب رومی ہے، جو صحابی رسولﷺ کے نام سے منسوب ہے، میںنے اسے بلا کر کہا کہ 3 مرتبہ سورہ ٔکوثر پڑھ کر تھیلی پر دم کرو ۔ اس سے پڑھوا کر دم کروائی اسکی عجیب برکت دیکھی ہے ،کیونکہ وہ معصوم بچہ تھا، اس کو گناہ کا گمان بھی نہیں۔ یہی بات ذہین میں آئی کہ قرآن بھی معصوم ہے اور بچے بھی معصوم ہیں ،اس لیے یہ عمل کیا اور برکت کا حیرت انگیز مشاہدہ سامنے آیا۔
یا حفیظ سے حفاظت:ایک نوجوان کھڑے ہو کر کہنے لگے کہ گزشتہ درس سے جب میں فارغ ہو کر گھر جانے لگا تو میں نے’’ یَاحَفِیْظُ‘‘11 مرتبہ پڑھ لیا میںموٹر سائیکل پر تھا، رات کا وقت تھا ،آگے پولیس والے کھڑے تھے ،میرے ساتھ ایک موٹر سائیکل پر دو لڑکے جا رہے تھے، پولیس والوں نے انہیں روک لیا مجھے جانے دیا جیسے مجھے دیکھا ہی نہیں۔
ہفتے کا پٹرول تین ہفتے:ایک صاحب فرمانے لگے کہ میں موٹر سائیکل میں 8 لیٹر پٹرول ڈلواتا تھا جو کہ صرف ایک ہفتہ چلتا تھا، میں نے پٹرول ڈلوانے سے قبل اول و آخر درود شریف کے ساتھ 11 مرتبہ سورۂ کوثر پڑھ کر دم کرنی شروع کی اور پٹرول کی ٹینکی پر پھونک مارنی شروع کی اب 8 لیٹر پٹرول تین ہفتے چل جاتا ہے۔
  پلاٹ کی این و سی میں نہایت آسانی

یک صاحب بتانے لگے کہ سورۃ القریش کا عمل مجھے حضرت حکیم صاحب نے بتایا ہے ہم نے پلاٹ خریدا پلاٹ لینے کیلئے این و سی کے حصول کے لئے کنٹونمنٹ بورڈ کی فیس جمع کرواتے ہیں، میں جاتے ہوئے راستے میں سورۃ القریش پڑھتا گیا اس دوران اچھی خاصی رشوت دینا پڑتی ہے۔اور ایک ماہ سے زیادہ وقت لگ جاتا ہے، دوسرے دن کا وقت دیا کہ جگہ کا معائنہ کروائیں اور ایک ہفتے میں ہی بغیر رشوت دئیے کلیئر ہو کر این و سی مل گیا اور رجسٹری والے نے بتایا کہ یہ کام کم از کم 30 ہزار روپے میں ہونا تھا جو صرف2250 روپے میں ہو گیا ہے۔