محترم حضرت حکیم صاحب السلام علیکم!گزشتہ دو سال سے عبقری کی قاری ہوں۔ میرے خاوند شادی کے شروع میں تو ٹھیک تھے شادی کے دو سال بعد اللہ تعالیٰ نے بیٹی عطا کی گھر میں خوشیاں ہی خوشیاں تھیں۔کچھ عرصہ بعدمیں نے دیکھا کہ خاوند ہروقت کچھ الجھے الجھےسے رہتے ہیں‘ پوچھنے پر پہلے تو کچھ نہ بتاتے بعد میں بات بات پر جھگڑنا‘ لڑنا حتیٰ کہ مجھے مارنے پر آگئے‘ کافی دفعہ بڑوں نے بیٹھ کر سمجھایا‘ مگر وہ ٹھیک نہ ہوئے‘ صحت دن بدن خراب ہوتی جارہی تھی پھر ایک دن یہ ہوا کہ ایک صاحب گھر آئے انہوں نے بتایا کہ آپ کے گھر کا فردسڑک پر پڑا ہے۔
میں سمجھی شاید ایکسیڈنٹ ہوا ہے لیکن جب قریب جا کر دیکھا تو ان کے پاس ایک نشہ آور انجکشن پڑا تھا۔ خیر لوگوں نے اٹھا کر گھر پہنچایا۔ اس دن میں بہت روئی کے یہ میرے ہنستے بستے گھر میں کس کی نظر لگ گئی۔ تقریباً چودہ گھنٹے بعد شوہر ہوش و حواس میں آئے اور اپنی کہانی سننا شروع کردی کہ میں غلط بیٹھک میں بیٹھ گیا تھا پہلے انہوں نے مجھے ہلکا ہلکا نشے دیا اور پھر انجکشن پر لگا دیا لیکن میں اس نشے کو چھوڑنا چاہتا ہوں۔ میں نے شوہر سے کوئی شکوہ شکایت نہیں کی بلکہ ان کا حوصلہ بڑھایا کہ میں نشہ چھڑوانے میں آپ کا ساتھ دوں گی۔ ایک ہسپتال کا کسی نے ایڈریس دیا کہ وہاں نشے کے عادی جو لوگ ہیں ان کا علاج کیا جاتا ہے وہ وہاں گئی لیکن ان کی فیس سن کر میں ڈر گئی کیونکہ بس خاوند کی کمائی تھی اب وہ بھی کام پر نہیں جارہے تھے میں اتنے پیسے کہاں سے لائوں؟ خیر میں واپس گھر آئی اور پریشان بیٹھ گئی اتنے میں محلے میں جاننے والی آئی اور میرے شوہر کا حال پوچھنے لگی میں نے اس کو سارا واقعہ سنایا اس نے کہا تم ایسا کرو لاہور میں عبقری دواخانہ ہے اپنے شوہر کو وہاں لے جائو انشاء اللہ اللہ کرم کردے گا۔ میں نے اس سے اڈریس لیا اور اگلی صبح شیخوپورہ سے لاہور شوہر کو لے کر آگئی جہاں اسسٹنٹ حکیم صاحب سے چیک کروایا انہوںنے سترشفائیں دوائی کے استعمال کا مشورہ دیا کہ جب بھی نشہ کی طلب ہو چنے کے برابر گولی بنا کر منہ میں رکھ لے اور اس کو چوستے جائے۔میں نے دو ڈبی لے لی اور شوہر کی جیب میں ڈال دی اور کہا کہ اس کو اب باقاعدگی سے استعمال کرنا شوہر نے حامی بھری اور ہم گھر واپس آگئے۔ دو ہفتے کے بعد شوہر نے کہا کہ جو دوسری ڈبی ہے وہ بھی دے دو پہلے والی ختم ہوگئی ہے ان دو ہفتوں میں شوہر نے سگریٹ تک بھی نہیں پیا میں نے اللہ کا شکر ادا کیا۔ اب میرا شوہر نشہ چھوڑچکا ہے اور کام پر بھی جانے لگ گیا ہے اللہ پاک کا شکر ہے جس نے عبقری سے ملایا اور میرا مسئلہ حل ہوا۔ (زوجہ،ع۔شیخوپورہ)۔
۔۔۔۔۔۔۔۔۔۔۔۔