نفسیاتی بیماریوں سے نجات: محترم شیخ الوظائف السلام علیکم! میں ساری رات جاگ کر گزارتا‘ہر وقت الجھا رہتا‘ چڑچڑاپن‘ کوئی مجھ سے بات کرلیتا میں کاٹ کھانے کو دوڑتا‘ لوگوں نے مجھ سے بات کرنا چھوڑ دی تھی‘ میں سکون و اطمینان سے بالکل محروم ہوچکا تھا‘ برائیوں کا بے تحاشہ ارتکاب کرتا اور جان بوجھ کر گناہ کرتا‘ کاروبار تباہ‘ رشتہ داری ختم‘ ہر کسی سے کٹ گیا‘ اس سے پہلے کہ خودکشی کرلیتا ایک دوست نے عبقری حویلی کا بتایا کہ تیرے مسائل کا حل ادھر ہے‘ میں بتاتاچلوں کہ میں نے ملک کے بڑے بڑے اسپیشلسٹ معالجین سے علاج کروایا مگر وقتی فائدہ ہوا‘ٹوٹے دل کے ساتھ عبقری حویلی آیا‘ یہاں آکر بتائے گئے اعمال کیے‘ دم شدہ پانی پیا‘ چٹکی نمک کھایا‘ کچھ ہمراہ لیا۔ خاص طور پر گیارہ دم شدہ کیل مجھے دئیے گئے جو میں نے وہاں پڑے تنے میں ٹھونکے‘ رات وہیں گزارنے کا ارادہ کیا‘ نامعلوم کتنے سالوں بعد میں نے اس رات پرسکون نیند لی‘ صبح اٹھا تو بالکل فریش تھا‘ دماغ پرسکون‘ جسم ہلکا پھلکا۔ جیسے کوئی بھاری وزن میرے جسم سے اتر گیا‘ الحمدللہ! آج بھی میں بالکل ٹھیک ٹھاک اور مطمئن ہوں‘ عبقری حویلی مہینے میں ایک مرتبہ ضرور جاتا ہوں‘ اعمال کرتا ہوں‘ اب نماز پڑھتا ہوں‘ برائیوں سے نفرت ہوچکی ہے۔ (قاسم وقار‘ لودھراں)
آسیب سے نجات: میرے چھوٹے بھائی پر سایہ تھا‘ ایک جن حاضر ہوکر اسے خوب ستاتا تھا‘ نجانے اسے کس غلطی کی سزا دے رہا تھا‘ بے شمار عاملین سے علاج کروائے مگر وہ جن الٹا عاملین کو نقصان پہنچا دیتا۔ کسی نےعبقری حویلی کا بتایا اپنے بھائی کو وہاں لے گیا‘ ہم تین دن وہاں رہے‘ بتائے گئے تمام اعمال کیے‘ دم شدہ نمک اور پانی لیا‘ خاص عمل شدہ گیارہ کیل لیکر وہاں موجود تنے میں ٹھونکے۔ ہم تین دن بعد واپس آئے تو بھائی کی حالت بہت بہتر تھی‘ گھر آکر دم شدہ پانی تمام کونوں میں چھڑکا اور پینے میں استعمال کیا‘ نمک کھانے میں استعمال کیا۔ الحمدللہ! آج دوسرا مہینہ ہے وہ جن دوبارہ نہیں آیا۔ (عمران بھٹی‘ حاصل پور)
بیٹی کےسسرال میں مسائل اور عبقری حویلی: میری بیٹی جب سے بیاہ کر اپنے گھر گئی‘ اس دن سے لڑائی جھگڑے‘ مار کٹائی شروع ہوگئی‘ ایک ایک دن میری بیٹی اور ہم تمام گھر والوں پر قیامت بن کر گزرا‘ بیٹی کے سسرال والوں نے اس کا جینا حرام کررکھا تھا‘ کسی نے بتایا کہ سخت ترین جادو کیا گیا تاکہ آپ کی بیٹی کو طلاق ہوجائے۔ہم مزید پریشان ہوگئے۔ میرے شوہر عبقری رسالہ بہت شوق سے پڑھتے ہیں‘ انہوں نے مجھ سے بات کی اور ہم عبقری حویلی احمد پور شرقیہ کیلئے روانہ ہوگئے‘ دو دن وہاں رہے‘ بتائے گئے اعمال کیے‘ بیٹی کا تصور کرکے عمل شدہ گیارہ کیل کھجور کے تنے میں ٹھونکے۔ حاجات قبول بورڈ پر انگلی سے حاجت لکھی۔ واپسی پر دم شدہ پانی اور نمک ہمراہ لائے۔ بیٹی کو پانی اور نمک دیا‘ اس نے اپنے سسرال میں اسے استعمال کیا۔ پندرہ دن کےاندر اندر اس کے گھر کے حالات یکسر بدل گئے‘ اب الحمدللہ میری بیٹی کو سسرال میں سب سے زیادہ عزت دی جاتی ہے‘ اس کی بات کو اہمیت دی جاتی ہے‘ شوہر تو خیال رکھتا ہی ہے اس سے زیادہ اس کی ساس اور نندیں خیال رکھتی ہیں۔ الحمدللہ! (شگفتہ‘ لاہور)
تمام ذمہ دار احباب کے نام اہم اعلان
جتنے بھی ذمہ دار احباب خدمت والوں کو ساتھ لے کر چل رہے ہیں‘ ان سے گزارش ہے کہ ’’عبقری حویلی ‘‘ احمد پور شرقیہ میں درود شریف کاتین روزہ چلہ قریب آگیا ہے‘ وہاں پر انتظامات کیلئے خدمت والوں کی سخت ضرورت ہے‘ اب وقت ہے کہ وہاں جاکر خدمت کرکے مخلوق خدا کیلئے آسانی پیدا کریں اور اپنےمسائل‘ مشکلات سے چھٹکارا پالیں اور نسلوں کیلئے رزق روحانی و جسمانی کے دروازے کھلوالیں‘ علت قلت ذلت کے دروازے خود پر اورنسلوں پر ہمیشہ کیلئے بند کروالیں۔ آپ وہاں جائیں‘ جتنی دیر یا دن سہولت ہو وہاں ٹھہریں اور وہاں کے انتظامات میںوہاں موجود نگران احباب کے ہاتھ بٹائیں۔ جزاک اللہ